[太阳拆局] 西甲攻略:巴塞半场快餐华拉度列

  巴塞首轮闷和华历简奴0比0,好彩上仗作客皇苏即刻反弹,凭新加盟嘅「罗拔佬」于正式赛事开斋入够两粒,加上伤愈冇耐嘅神童安素法迪,后备落场入波兼两度助攻,最终大胜4比1,似乎两人都几夹。主帅沙维赛后大赞当日寿星公「罗拔佬」系天生领袖,识得点样搵到空位作致命一击,而法兰基迪庄代替停赛嘅队长布斯基思,令中场组织更加畅顺,配合奥士文尼迪比利、费伦托利斯等,火力全开。